Riaupos.co
19/02/2020
 
Buek SIM Kini Ndak Paya Le

Buek SIM Kini Ndak Paya Le
Jumat, 14 Februari 2020 - 10:29 WIB
 

BANGKINANG (RIAUPOS.CO) -- Ndak ado alasan indak punyo SIM, alias suek izin mengemudi, le sanak. Polres Kampar la membei kemudahan kepado awak sodo, supayo proses pembuatan SIM lebih mudah.

Iko berkat Kapolres Kampar AKBP Mohammad Kholoid nan meluncurkan tigo inovasi bawu kek bidang pelayanan penerbitan SIM, Senoyan (10/2). Layanan go akan membuek layanan pado Satuan Penyelenggara Administrasi SIM (Satpas) Satlantas Polres Kampar tambah jagok.

"Tigo inovasi kek bidang pelayanan SIM nan Kami launching ai ko adalah SIM Delivery Service, Free Coaching atau Pelatihan Perai jo menghadirkan Smoking Area atau tompek maokok. Kasodo inovasi iko, untuok meningkatkan pelayanan dan memberikan kemudahan kepado masyarakat," nye Kapolres dalam baso awak.

Peluncuran katigo-tigo inovasi bidang pelayanan SIM go dilangsuongkan kek teras muko kantue Satlantas Polres Kampar. Kapolres langsuong ka muko memimpin peluncuran. Peresmian tigo program inovasi gp ditandai jo pelepasan balon dek Kapolres Kampar nan disaksikan pulo oleh seluruh undangan nan hadir.

Pado ai nan samo pulo, usai launching, langsuong Kapolres soto pulo maantau SIM nantu sudah dibuek ka umah masyarakat. Ndak jauo do, masih di Kota Bangkinang kito.

Kapolres manyobuikkan pado ai tu manjadi ai patapo dilaksanakan program Delivery Service.  "Program ko dimaksuikkan supayo dunsanak pemohon SIM nan la sudah babuek dapek menunggu di rumah sajo. Sehinggo bisa pulo ka kubon atau aktivitas lain. Jadi ndak prolu manunggu pulo lamo di Satlantas Polres Kampar, langsuong petugas maantau ke umah," nye Kapolres.(end)




Pekanbaru | Hukum | Riau | Olahraga | Ekonomi-Bisnis | Kriminal | Sosialita | Politik | Internasional | Pendidikan | Teknologi | Feature | Nasional | Lingkungan | Kesehatan | Gaya Hidup | Pesona Indonesia | Begini Ceritanya | Liputan Khusus | Komunitas | Kebudayaan | Hiburan | Sumatera | Wawancara | Advertorial | Perca | Perempuan | Historia | Buku | Kode Pos Riau | ALUMNI UNRI | Kuliner | Petuah Ramadhan | Ladies | Interaktif | Citizen Jurnalis | video | Kampar | Rokan Hulu | Rokan Hilir | Siak | Bengkalis | Dumai | Kepulauan Meranti | Indragiri Hilir | Indragiri Hulu | Pelalawan | Kuantan Singingi | Kick Out Hoax |